"Paxtakor" Superligadagi tanaffus davrida "Metallurg"ga qarshi nazorat bellashuvida maydonga tushdi.

"Jar" stadionida o‘tgan uchrashuvda "sherlar" kichik hisobda g‘alaba qozondi. Terma jamoalarga jalb etilgani sababli Simich, Suyunov, A’zamov, Masharipov va Yaxshiboyev ayni paytda mashg‘ulotlarda ishtirok etishmayapti.

Shuningdek, Bezerra va Tojiyev kichik jarohatlari sababli o‘yinni o‘tkazib yuborishdi. "Paxtakor"ning ustunligi sezilib turgan uchrashuvda o‘yin taqdirini hal qilgan yagona gol Iskanderov hisobiga yozildi. U birinchi bo‘lim oxirlarida raqib darvozasini ishg‘ol qildi.

"PAXTAKOR" - "METALLURG" - 1:0 (1:0)
"Paxtakor": Lobanov, Sayfiyev, Kozak, Krimes, Shorahmedov (Andreev, 81), Rahmatullayev (Alijonov, 71), Ahmedov (Ahmadov, 77), Iskanderov, Ibrohimov, Abdurahimov (Hakimov, 74), Gonsalvesh.
"Metallurg": Ribkin, Husinov, Fayziyev, Ismatullayev (Sattorov, 46), Ermatov (Davlatjonov, 77), Shaymanov (YUsupov, 77), To‘rayev, Isayev (Hoshimov, 69), Isoqjonov (Nurullayev, 61), Hasanov, Purishkin (Abdullayev, 59).
Gol: Iskanderov, 36 - 1:0.