“Barselona” yarim himoyachisi Filippe Koutinyoning fikricha, Rossiyada o‘tadigan jahon chempionati uning Braziliya terma jamoasi bo‘yicha sherigi Neymar va Misr terma jamoasi yarim himoyachisi Muhammad Salohga dunyodagi eng yaxshi futbolchilar bo‘lishlarida yordam beradi.
“Ko‘rinishicha, ushbu jahon chempionati kimdir o‘zining imkoniyatidan foydalanishi uchun ayni muddaodir. Messi va Ronaldu ko‘plab yillar davomida cho‘qqida bo‘lishdi. Fikrimcha, boshqalarning dunyoda va JCH-2018’da kuchli bo‘lish uchun intilishi vaqti keldi. O‘ylashimcha, Saloh va Neymar bunga yaxshi imkoniyatga egalar. Barchasi musobaqa qanday o‘tishiga bog‘liq bo‘ladi, biroq ularda buning uchun zarur iste’dod bor. Ular men tanlagan o‘yinchilar.
Salohning o‘yinini kuzatish zavq bag‘ishlaydi. Aminmanki, u uzoq vaqt “Liverpul”ning qahramoni bo‘lib qoladi. Muhammad jahon chempionatida muvaffaqiyatga erishishi mumkin. Barchasi uning jamoasi qanchalik uzoqqa bora olishiga bog‘liq, biroq biz Neymar ham nimalarga qodirligini bilamiz. U o‘zgacha o‘yinchi”, deb aytgan Koutinyo.
