“Барселона” ярим ҳимоячиси Филиппе Коутиньонинг фикрича, Россияда ўтадиган жаҳон чемпионати унинг Бразилия терма жамоаси бўйича шериги Неймар ва Миср терма жамоаси ярим ҳимоячиси Муҳаммад Салоҳга дунёдаги энг яхши футболчилар бўлишларида ёрдам беради.    

“Кўринишича, ушбу жаҳон чемпионати кимдир ўзининг имкониятидан фойдаланиши учун айни муддаодир. Месси ва Роналду кўплаб йиллар давомида чўққида бўлишди. Фикримча, бошқаларнинг дунёда ва ЖЧ-2018’да кучли бўлиш учун интилиши вақти келди. Ўйлашимча, Салоҳ ва Неймар бунга яхши имкониятга эгалар. Барчаси мусобақа қандай ўтишига боғлиқ бўлади, бироқ уларда бунинг учун зарур истеъдод бор. Улар мен танлаган ўйинчилар.

Салоҳнинг ўйинини кузатиш завқ бағишлайди. Аминманки, у узоқ вақт “Ливерпул”нинг қаҳрамони бўлиб қолади. Муҳаммад жаҳон чемпионатида муваффақиятга эришиши мумкин. Барчаси унинг жамоаси қанчалик узоққа бора олишига боғлиқ, бироқ биз Неймар ҳам нималарга қодирлигини биламиз. У ўзгача ўйинчи”, деб айтган Коутиньо.