Futbol sohasida ilmiy tadqiqotlar olib boradigan CIES Football Observatory qo‘mitasi hozirgi kundagi eng qimmat futbolchilar reytingini e’lon qildi.

Qo‘mita olimlarining hisob-kitoblariga ko‘ra, «Tottenxem» hujumchisi Harri Keyn jahonning eng qimmat futbolchisi deya e’tirof etildi. Uning transfer narxi 201,2 million yevroga baholangan. Ikkinchi o‘rinda «PSJ» hujumchisi Neymar qayd etildi – 195,7 million yevro. Uchinchi pog‘onani parijliklarning yana bir futbolchisi Kilian Mbappe band etdi. Fransiya terma jamoasi o‘yinchisining narxi 186,5 million yevroga teng bo‘ldi.

Reytingda to‘rtinchi va beshinchi o‘rinlarni Lionel Messi va Muhammad Saloh egallagan bo‘lsa, «Real» hujumchisi Krishtianu Ronaldu 24-o‘ringa joylashtirildi — 103,4 million yevro.

CIES Football Observatory versiyasi bo‘yicha jahonning eng qimmat futbolchilari reytingi quyidagicha (top-10):

1. Harri Keyn («Tottenxem») – 201,2 million yevro

2. Neymar («PSJ») – 195,7 million yevro

3. Kilian Mbappe («PSJ») – 186,5 million yevro

4. Lionel Messi («Barselona») – 184,2 million yevro

5. Muhammad Saloh («Liverpul») – 171,3 million yevro

6. Dele Alli («Tottenxem» – 171 million yevro

7. Kevin De Bryuyne («Manchester Siti») – 167,2 million yevro

8. Antuan Grizmann («Atletiko») – 164,5 million yevro

9. Paulo Dibala («Yuventus») – 164,2 million yevro

10. Romelu Lukaku («Manchester Yunayted») – 163,4 million yevro