"Chelsi" klubi va Belgiya terma amoalari darvozaboni Tibo Kurtua "Liverpul" posboni Loris Kariusning YECHL finalida miya chayqalishi tufayli xato qilgani haqida xabarlarga izoh berdi.

"Bunaqasi men bilan ham bo‘lgan - Aleksis Sanches bilan to‘qnashganimdan so‘ng - menda miya chayqalishi ro‘y bergan va men to‘pni ko‘rolmay qolganman. 20 daqivadan so‘ng o‘yinni tark etganman, chnki to‘pni ko‘rmayotgan edim

Karius bilan bunday bo‘lganiga achinyapman, ammo ikkita xatosida miya chayqalishini ayblay olmayman - u yana ikkita ajoyib seyv ham namoyish qilgan edi.

Ikkita xatosi uchun unga achinaman, ammo miya chayqalsa, maydonni tark etishingiz kerak va shifokorlar sizni o‘yindan chiqarib olishlari kerak.

Bu hamma darvozabonda bo‘lishi mumkin, ammo hammasida miya chayqalishini ro‘kach qilish - g‘alati. Ammo Bostonlik shifokorlar shunday degan ekan - hammasi joyida", - deydi Kurtua.