Xabaringiz bor, Milliy Olimpiya qo‘mitasi tashabbusi bilan oliy ta’lim muassasalari talabalari o‘rtasida mini-futbol bo‘yicha «Olimpiya yulduzlari» turniri o‘tkazilmoqda.
Musobaqaning navbatdagi hududiy bellashuvlaridan biri Qarshi shahrida yakuniga yetdi. Bir necha kun davom etgan bahslarda Qarshi davlat universiteti jamoasi futbolchilari birinchi o‘rinni egalladilar. Ikkinchi o‘rinni Qarshi muhandislik instituti talabalaridan tashkil topgan jamoa band etdi. Uchinchi o‘rin esa Axborot texnologiyalari universituti Qarshi filiali jamoasiga nasib etdi.
