Хабарингиз бор, Миллий Олимпия қўмитаси ташаббуси билан олий таълим муассасалари талабалари ўртасида мини-футбол бўйича «Олимпия юлдузлари» турнири ўтказилмоқда.
Мусобақанинг навбатдаги ҳудудий беллашувларидан бири Қарши шаҳрида якунига етди. Бир неча кун давом этган баҳсларда Қарши давлат университети жамоаси футболчилари биринчи ўринни эгалладилар. Иккинчи ўринни Қарши муҳандислик институти талабаларидан ташкил топган жамоа банд этди. Учинчи ўрин эса Ахборот технологиялари университути Қарши филиали жамоасига насиб этди.