«Uikom Uonderers» hujumchisi, dunyoning eng katta gavdali va og‘ir vaznli futbolchisi Adebayo Akinfenva «Real Madrid» sardori Serxio Ramosga videomurojaat yo‘lladi, deb yozadi​ «Sports.ru».

«Chempionlar Ligasi finali o‘tib ketdi, men ta’tildan qaytdim. Serxio Ramos, sen nafaqat do‘stim Muhammad Salohga jarohat yetkazibsan, balki Kariusning ham miyasini chayqalishiga sababchi bo‘libsan. Quloq sol, uka, men hech qachon senga qarshi to‘p tepmayman, chunki Chempionlar Ligasida umuman ishtirok etmayman, omading bor ekan. Agar u yerda o‘ynaganimda mana shunday bo‘lishini ko‘rarding» — deydi Akinfenva o‘zining video murojaatida.

36 yoshli hujumchi 100 kilogrammdan ortiq vaznga ega. Video so‘nggida u oyoq kiyimni buklab, kulib yuboradi.

Ma’lumot uchun avvalroq Ramos va uning oilasiga notanish raqamlardan qo‘ng‘iroq bo‘lib, o‘ldirish bilan tahdid qilingan edi.