Zaifa demang,  aslo... Siyosat sahnasidagi bu ayollar nafaqat chiroyi, aql-zakovati va kasbiy mahorati bilan, balki jismoniy tayyorgarligi bilan ham ajralib turadi. Ular sportning ayrim turlarini mukammal egallagan bo‘lib, uncha-muncha erkakka dars berishlari mumkin. 

Estoniya prezidenti Kersti Kalyulay

Kersti chinakam sportchi ayol. U bolaligida dzyudo bilan jiddiy shug‘ullangan, maktabdan keyin esa yugurishni kanda qilmagan. 2008 yili Estoniyaning bo‘lg‘usi prezidenti Lyuksemburg marafonida qatnashdi va 42 kilometr masofani 3 soat 55 daqiqa 56 soniyada bosib o‘tdi. Keyinroq esa bu natijasini biroz yaxshiladi: 3:52:53. Aytish kerakki, to‘rt farzandning onasi bo‘lmish Kalyulayd xonim sport mashg‘ulotlarini kundalik ishlari ro‘yxatiga kiritgan. U haftasiga 30 kilometr yugurishi kerak. Kalyulayd xonimning aytishicha, sport bilan shug‘ullanish unga jismoniy va aqliy faoliyatining faol bo‘lishiga yordam beradi.

Germaniya kansleri Angela Merkel

Merkel xonim – futbol bo‘yicha Germaniya terma jamoasining ashaddiy muxlisasi. U sakkiz yil davomida tribunalardan turib, sevimli jamoasini qo‘llab-quvvatladi. O‘tgan vaqt davomida nemis futbolchilari ketma-ket muvaffaqiyatlarga erishib kelmoqda. Ulardan faqatgina bir marta omad yuz o‘girdi: 2010 yilgi jahon chempionatida ispanlarga imkoniyat boy berildi. Shuningdek, Germaniya kansleri chang‘i sportini yaxshi ko‘radi. Hatto 2013 yilning oxirida Shveysariyada chang‘i uchaman deb jarohat olgan va shu ko‘yi uch hafta Reyxstagda ko‘rinmagan edi.

Buyuk Britaniya bosh vaziri Tereza Mey

Dovrug‘i doston modelyerlar tikkan liboslar Mey xonimning egnida yarashib turishi bejiz emas: Britaniya bosh vaziri qad-qomatiga e’tibor qiladigan ayollar toifasidan. Tereza Mey har kuni jismoniy mashg‘ulotlarni bajaradi, vaqt topdi deguncha, turmush o‘rtog‘i hamrohligida skandinavcha yurish bilan shug‘ullanadi. Uning fikricha, bu universal sport turi bo‘lib, tanadagi barcha mushaklar guruhlariga birdek ta’sir ko‘rsatadi.

AQSHning birinchi xonimi Melaniya Tramp   DAVOMI