Astana shahrida boks bo‘yicha «Qozog‘iston Prezidenti kubogi» musobaqasi o‘zining qizg‘in pallasiga kirgan. Yarim final doirasida bo‘lib o‘tgan janglarda Shahobiddin Zoirov (-56kg), Aliyor Noraliyev (-64kg), Mahmud G‘oipov (-69kg) va Isroil Madrimov (-75kg) lar mag‘lubyat alamini totib ko‘rishga majbur bo‘lishdi va turnirdan bronza medali bilan qaytadigan bo‘ldilar.
Bugun uch nafar bokschimiz musobaqaning oltin medali uchun ringga chiqadi:
-60 kg: Shunqor Abdurasulov – Gabil Mamedov (Rossiya)
-64 kg: Iqboljon Xoldorov – Bekdaulet Ibragimov (Qozog‘iston)
-81 kg: Bektemir Meliqo‘ziyev – Bek Nurmagambet (Qozog‘iston)
Eslatib o‘tamiz, musobaqada terma jamoamiz murabbiylari Osiyo o‘yinlarida ishtirok etish uchun asosiy nomzod bokschilarni yana bir marotaba sinovdan o‘tkazishmoqda. Jakartaga yo‘l oladigan tarkibni aniqlab olish yo‘lida ushbu turnir terma jamoamiz uchun katta ahamiyat kasb etadi.
