Xabaringiz bor, Milliy olimpiya qo‘mitasi Oliy ta’lim muassasalari talabalari o‘rtasida mini-futbol bo‘yicha «Olimpiya yulduzlari» turnirini o‘tkazib kelmoqda.
Bungacha beshta hududda musobaqalar tashkil qilinib, kuchli uchlikka kirgan jamoalar final yo‘llanmasini hal qilib qo‘ygandilar. Kecha Milliy olimpiya qo‘mitasida musobaqaning final bosqichiga qur’a tashlash marosimi bo‘lib o‘tdi. Unda hal qiluvchi final bosqichiga yetib kelgan 15ta jamoa o‘z raqiblari nomini bilib oldi.
Bugun poytaxtimizning Bektemir tumanida joylashgan 2-sonli BO‘SM futbol maydonida bahslarga start beriladi. Bellashuvlar 13 iyungacha davom etadi. Musobaqada qayd etilayotgan natijalar Milliy olimpiya qo‘mitasi rasmiy sayti orqali taqdim etib boriladi.