Хабарингиз бор, Миллий олимпия қўмитаси Олий таълим муассасалари талабалари ўртасида мини-футбол бўйича «Олимпия юлдузлари» турнирини ўтказиб келмоқда.
Бунгача бешта ҳудудда мусобақалар ташкил қилиниб, кучли учликка кирган жамоалар финал йўлланмасини ҳал қилиб қўйгандилар. Кеча Миллий олимпия қўмитасида мусобақанинг финал босқичига қуръа ташлаш маросими бўлиб ўтди. Унда ҳал қилувчи финал босқичига етиб келган 15та жамоа ўз рақиблари номини билиб олди.
Бугун пойтахтимизнинг Бектемир туманида жойлашган 2-сонли БЎСМ футбол майдонида баҳсларга старт берилади. Беллашувлар 13 июнгача давом этади. Мусобақада қайд этилаётган натижалар Миллий олимпия қўмитаси расмий сайти орқали тақдим этиб борилади.