Pepsi Superliga 15-turida “So‘g‘diyona” safarda “Qizilqum”ga qarshi bahs olib bordi va 2:0 hisobida mag‘lubiyatga uchradi. O‘yindan so‘ng “So‘g‘diyona” jamoasi bosh murabbiyi Sergey Lushchan va o‘yinning eng yaxshi futbolchisi deb topilgan Elyor Orifovlar matbuot anjumanida ishtirok etishdi.
- Bugun haqli ravishda mag‘lub bo‘ldik. “Qizilqum” jamoasini tabriklayman. Bugun maydonda faqat bir jamoa futbol o‘ynadi. Raqiblar vaziyatlardan unumli foydalandi. 2 ta xato golga aylandi. Jamoa bugun futbol namoyish etmadi. Qaysidir vaziyatlarni vaziyat deb ham bo‘lmaydi Transfer oynasi ochiladi va jamoada katta o‘zgarishlarni amalga oshiramiz-deydi Sergey Ivanovich
- Qiziqarli va muxlislarbob o‘yin bo‘ldi. “Qizilqum” g‘alabani ko‘prok xoxlagan ekan niyatiga etdi. Raqiblarni tabriklayman. 2 xato gol bilan yakunlandi. Tanaffus davomida keyingi o‘yinlarga yaxshirok tayyorgarlik kuramiz va yanada kuchli bo‘lib qaytishga harakat qilamiz-deydi Elyor Orifov
“So‘g‘diyona” PFK matbuot xizmati
