Bugun "Qizilqum" o‘z maydonida "So‘g‘diyona"ni qabul qildi va 2ta to‘p farqi bilan g‘alabaga erishdi. Uchrashuvdan so‘ng o‘tkazilgan matbuot anjumanida har ikki jamoa ustozlari quyidagicha fikr bildirib o‘tishdi:
- Bugun haqli tarzda mag‘lub bo‘ldik. “Qizilqum” jamoasini g‘alaba bilan tabriklayman. Rosti bugun maydonda faqat bitta jamoagina chinakam futbol o‘ynadi. Raqiblar vaziyatlardan unumli foydalandi. Bizning jamoa esa bugun haqiqiy futbol namoyish etmadi. Transfer oynasi ochilgach, jamoada katta o‘zgarishlarni amalga oshiramiz, - dedi Sergey Lushchan.
- G‘alaba har ikkala jamoa uchun ham juda muhim edi. Tanaffus oldidan g‘alabaga erishdik va yigitlar xush kayfiyatda dam olishga yul olishmoqda. Bugungi g‘alabani muxlislarga bag‘ishlaymiz. Transfer oynasi vaqtida tarkibimizda bir qator o‘zgarishlar bo‘ladi. Bir qator yangi futbolchilar bilan kelishuvga erishganmiz, - dedi Hamidjon Aktamov.
