Bugun Pepsi Superliganing 15-tur uchrashuvida jamoamiz Bekobodning “Metallurg” jamoasiga qarshi maydonga tushadi. Uchrashuv “Metallurg” markaziy stadionda soat 19:11da boshlanadi.

Pepsi Superliga. 15-tur

“METALLURG” – “NASAF”

12.06.2018. “Metallurg” markaziy stadioni. 19:11da

Bosh hakam: Hasan Ro‘ziyev (Toshkent)

Qanot hakamlari: Aleksandr Burov, Kristina Sereda (ikkisi ham Buxorodan)

Zaxira hakami: Abdurashid Xudoyberganov (Toshkent)

Nazoratchi: Aleksandr Popov (Toshkent)

Uchrashuv komissari: Ma’mur Saidqosimov.

Ushbu jamoalar bu safar o‘zaro 42-uchrashuvda maydonga tushishadi. Bugungi uchrashuv “Nasaf” jamoamizning milliy chempionatimizdagi 632-uchrashuvi bo‘ladi.

Mazkur jamoalar milliy chempionatimizda shu paytgacha o‘zaro 41 marta tuqnash kelishgan. Bo‘lib o‘tgan 10 o‘yinda “Metallurg” jamoasining qo‘li baland kelgan. 26 uchrashuvda “Nasaf” g‘alabaga erishgan. 5 o‘yinda durang natija qayd etilgan. To‘plar nisbati bo‘yicha “Nasaf” futbolchilari ustunlikni o‘z qo‘llarida ushlab turishibdi – 32:70.

Bekobodda bo‘lib o‘tgan 20 uchrashuvning 9tasida ma’danchilar g‘alabaga erishgan bo‘lsa, 8tasida “Nasaf” g‘alaba qozongan. 3 uchrashuvda durang qayd etilgan. Demak, Bekobodda bo‘lib o‘tgan uchrashuvlarda maydon egalari kichik ustunlikka ega. Bekobod shahrida bo‘ladigan navbatdagi uchrashuv, jamoalarning o‘zaro 21-uchrashuvi sifatida tarixga kiradi.

“Nasaf” Bekobodda “Metallurg”ni so‘nggi bor 2015 yilgi chempionatda mag‘lub etgan. Ammo bugungi uchrashuvdan muxlislarimizning umidi katta. Mavjud muammolarga qaramasdan futbolchilarimiz o‘zida kuch topib, ularni xursand qiladi degan, umiddamiz.

G‘alaba Sizlarga yor bo‘lsin yigitlar!