Dunyoning eng mashhur juftligi – Devid va Viktoriya Bekxem nima uchun ayro yashashmoqda? Devid Amerikada, Viktoriya esa Angliyada.
 
Daily Mail gazetasining yozishicha, 10 iyun – dam olish kuni Londondagi bir mehmonxonada Spice Girls’ning sobiq xonandasi kayfiyati tushkun holda ko‘rinish bergan.
 
Xuddi shu paytda 5 ming kilometr olisda – Los Anjelesda Angliya terma jamoasining sobiq sardori notanish  ayol bilan sayrga chiqqani jurnalistlar e’tiboridan chetda qolmadi.
 
Ikki juftlik so‘nggi bor birgalikda 19 may kuni bo‘lib o‘tgan Britaniya qirollik oilasining to‘yiga kelgandi. Shundan buyon hech kim ularni  yonma-yon ko‘rmagan.
 
Ammo 44 yoshli Viktoriya Bekxem bu xabarlarni inkor etmoqda. “O‘sha kuni kayfiyatim yomon emasdi. Hech qanday g‘am-alam ichida emasdim. Shunchaki, moda dunyosi meni tabassumdan ayirdi. Negaki, bu soha jiddiylikni talab etadi”, degan.
 
Eslatib o‘tamiz, Devid va Viktoriyaning oila qurganiga 19 yil bo‘ldi. Juftlik bu vaqt oralig‘ida to‘rt farzandning ota-onasiga aylandi.