FIFA hakamlar qo‘mitasi rahbari Pyerluidji Kollina JCH-2018 o‘yinlarida hakamlar ishidagi yangilik bilan tanishtirdi.

"Biz uchun muxlislar hakamning nima uchun shunday qaror chiqarganini tushunishlari muhim. Deylik, hakam takrorni ko‘rdi va penalti bo‘lmagan deb topdi. Katta ekranda "Penalti yo‘q" degan yozuv chiqadi va undan so‘ng vaziyatning takrori namoyish etiladi. Bu qarorning to‘g‘riligiga hech kimda shubha qolmasligi kerak.

O‘yindan so‘ng VAR yozuvi asosida qarorlar chiqariladimi? Yo‘q. Barcha qarorlar o‘yinni o‘zida chiqariladi, ammo hech qachon tanaffus yoki o‘yindan keyin emas. Agar vaziyat o‘yin oxirida ro‘y bersa, hakam bir qarorga kelmaguncha final hushtagini chalmaydi. Shundan so‘nggina jamoalar qo‘yib yuboriladi", - deydi Kollina.