ФИФА ҳакамлар қўмитаси раҳбари Пьерлуиджи Коллина ЖЧ-2018 ўйинларида ҳакамлар ишидаги янгилик билан таништирди.
"Биз учун мухлислар ҳакамнинг нима учун шундай қарор чиқарганини тушунишлари муҳим. Дейлик, ҳакам такрорни кўрди ва пенальти бўлмаган деб топди. Катта экранда "Пенальти йўқ" деган ёзув чиқади ва ундан сўнг вазиятнинг такрори намойиш этилади. Бу қарорнинг тўғрилигига ҳеч кимда шубҳа қолмаслиги керак.
Ўйиндан сўнг VAR ёзуви асосида қарорлар чиқариладими? Йўқ. Барча қарорлар ўйинни ўзида чиқарилади, аммо ҳеч қачон танаффус ёки ўйиндан кейин эмас. Агар вазият ўйин охирида рўй берса, ҳакам бир қарорга келмагунча финал ҳуштагини чалмайди. Шундан сўнггина жамоалар қўйиб юборилади", - дейди Коллина.
