Navbatdagi bosh turnir boshlanishi arafasida poyoniga yetgan mavsum bir umrga xotiradan joy oladigan betakror lavhalarga juda boy bo‘ldi.
Stadiondan to‘ppa-to‘g‘ri tarix sahifasiga ko‘chib o‘tadigan murosasiz bellashuvlardagi dahshatli bosim esa futbolchilarni ne ko‘yga solmadi, deysiz?
Ehtiroslar otashidan sel bo‘lib quyilgan ko‘z yoshlari hech kimni befarq qoldirmaganiga shubha yo‘q.
MUHAMMAD SALOH VA DANIEL KARVAXAL
YECHLning oxirgi final bahsida ikki nafar futbolchi maydonni barvaqt tark etishga majbur bo‘lishgandi. Avvaliga «Liverpul»ning dahshatli quroli - Muhammad Saloh raqib himoyachisi Serxio Ramos bilan to‘qnashib ketdi va yelkasidan jarohat oldi. Natijada 30-daqiqada tomoshabinga aylangan misrlik hujumchi ko‘zda yosh bilan maydonni tark etdi.
Oradan 7 daqiqa o‘tar-o‘tmay, «Qirollik klubi» himoyachisi Daniel Karvaxal ham safdan chiqdi. Jamoadoshlari hujumini qo‘llab-quvvatlash maqsadida oldinga intilgan paytda u ham jarohat olgandi. To‘g‘ri, final hushtagi chalinganidan keyin Karvaxal o‘sha falokatni ham, uning ayanchli oqibatini ham butunlay unutib yubordi.
Boisi, uning jamoasi qatorasiga uchinchi marta nufuzli sovrin sohibiga aylangandi. Muhammad Saloh esa... Alamli ko‘z yoshlarning bir tomchisiga hatto Nil daryosi ham dosh berolmagan bo‘lardi.
LORIS KARIUS
Taqdirning bu futbolchi uchun tayyorlab qo‘ygan qaltis hazilini ta’riflashga til ojiz: YECHLdek nufuzli musobaqaning hal qiluvchi bahsida bir emas, ikki marta raqibga gol sovg‘a qilish g‘oyasi uchiga chiqqan fantastning ham xayoliga kelmasdi.
Ammo u yuz berdi. Futbol olami tarixida ilk marta. Bu tomoshaning takrorlanishiga shaxsan men ishonmayman.
DIMITRI PAYET
Fransiyalik yarim himoyachi chekiga tushgan savdo ko‘lami va nufuzi jihatidan bir muncha kamtarin. Lekin omadsiz lahzalarni Payet ham uzoq vaqt unuta olmasligi aniq. Balki bir umr yoddan chiqarmas?!
Xabaringiz bo‘lsa, «Marsel» va «Atletiko» o‘rtasidagi Yevropa Ligasi finalining birinchi bo‘limida Dimitri jarohat olib, maydonni tark etdi.
Yetakchi o‘yinchisidan judo bo‘lgan «Marsel» esa kuchli raqibning bosimiga dosh bera olmadi va yirik hisobda imkoniyatni boy berdi.
NEYMAR
«PSJ» klubi hamda Braziliya terma jamoasining asosiy hujumchisi uchun barchasi xayrli yakunlandi: u JCH-2018da ishtirok etmoqda. Ammo «Marsel»ga qarshi bellashuvda shikastlanib, maydonni barvaqt tark etganidan keyin mundialdagi ishtiroki shubha ostida qolgandi.
Neymarning baxtiga, jarohat unchalik jiddiy emasligi ma’lum bo‘ldi. Hujumchi esa mavsum yakunida «PSJ»ni tark etib, davolanish uchun vataniga yo‘l oldi. Poytaxt klubi Neymarsiz qolganiga qaramasdan, «oltin dubl»ga erishdi.
GABRIEL JEZUS
Neymarning terma jamoadagi hamkori ham mundial yo‘lida jiddiy sinovdan o‘tishiga to‘g‘ri keldi.
Yangi yil arafasida «Kristal Pelas»ga qarshi bahsda braziliyalik hujumchi tizzasidan shikastlanib, safdan chiqqandi. Ikki oylik muolajadan so‘ng u salomatligini to‘la tiklab oldi.
JANLUIJI BUFFON
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
