Shvesiya terma jamoasi bosh murabbiyi Yanne Andersson Germaniyaga qarshi o‘yindan so‘ng fikrlarini bildirib o‘tdi.
“Nemislar golni shundoq ko‘z oldimizda nishonlashdi. Bu holatni ko‘rib jahlimiz chiqdi. Odatda, o‘yin tugasa o‘zaro hurmat saqlab qo‘l berib chiqib ketiladi.
Nemislar o‘zlarini tuta olishmadi, bu noto‘g‘ri ish, bunday qilmaslik kerak. Taktika haqida biror narsa deyish qiyin.
Hech kimni ayblamoqchi emasman. Bu faoliyatimdagi eng yomon o‘yin bo‘ldi. Golni juda kech urishdi. Biz toliqib qolgandik, yaxshi vaziyatga chiqish imkoniyati tug‘ilganda to‘pni oldirib qo‘ydik.
Penalti bo‘lgan vaziyatni ko‘rmay qoldim lekin, yordamchilarim penalti bo‘lganligini aniq tasdiqlashdi. Hakam hech narsani tekshirmadi”, - deydi Andersson.
