Швеция терма жамоаси бош мураббийи Янне Андерссон Германияга қарши ўйиндан сўнг фикрларини билдириб ўтди.
“Немислар голни шундоқ кўз олдимизда нишонлашди. Бу ҳолатни кўриб жаҳлимиз чиқди. Одатда, ўйин тугаса ўзаро ҳурмат сақлаб қўл бериб чиқиб кетилади.
Немислар ўзларини тута олишмади, бу нотўғри иш, бундай қилмаслик керак. Тактика ҳақида бирор нарса дейиш қийин.
Ҳеч кимни айбламоқчи эмасман. Бу фаолиятимдаги энг ёмон ўйин бўлди. Голни жуда кеч уришди. Биз толиқиб қолгандик, яхши вазиятга чиқиш имконияти туғилганда тўпни олдириб қўйдик.
Пенальти бўлган вазиятни кўрмай қолдим лекин, ёрдамчиларим пенальти бўлганлигини аниқ тасдиқлашди. Ҳакам ҳеч нарсани текширмади”, - дейди Андерссон.
