O‘zbekiston tarixiy siymo va qahramonlarga, ulug‘ alloma va qomusiy olimlarga boy o‘lka. O‘zbekiston futbol Assosiasiyasi yurtimiz yoshlarini tarixiy shaxslar, alloma va buyuk siymolar bilan yaqindan tanishtirishna ular nomi bilan o‘tkaziladigan turli musobaqalar orqali amalga oshirishga qaror qildi.
Shunday musobaqalardan biri Samarqand shahrida 2008 yilda tavallud topgan futbolchilar o‘rtasida bo‘lib o‘tadi. Samarqand futbol Assosiasiyasi bilan hamkorlikda ilk marotaba tashkil etiladigan "Amir Temur" Kubogi musobaqasi bahonasida tarixiy Movaraunnahr poytaxtiga tashrif buyuradigan ishtirokchilar Amur Temur siymosi va Temuriylar avlodlari bilan yaqindan tanishadilar.
2007 yilda tavallud topgan futbolchilar esa "Oltin vodiy" dasturi asosida Farg‘onada "Al Farg‘oniy" Kubogida chempionlik uchun bahs olib boradilar. Bu musobaqa Farg‘ona futbol Assosiasiyasi bilan hamkorlikda tashkil qilinmoqda.
2006 yilda tavallud topgan futbolchilar Amir Temur tavallud topgan Qashqadaryo o‘lkasida chempionlik uchun kurash olib boradilar. "Voha Kubogi" deb nom olgan musobaqa "Nasaf" va Qashqadaryo futbol Assosiasiyasi bilan hamkorlikda o‘tkaziladi.
O‘zbekiston milliy terma jamoasi sardori Odil Ahmedov har yili Namanganganda "Odil Cup" musobaqasini o‘tkazib kelar edi. Joriy yilgi musobaqa O‘FA va Rossiyaning “Detskaya futbolnaya liga” (DFL) tashkilotlari bilan hamkorlikda tashkil etiladi. Musobaqa g‘olibi DFLning eng katta loyihalaridan biri bo‘lgan "Bolshiye zvezdi svetyat malim" musobaqasida ixtiyoriy ishtirok etish imkoniyatiga ega bo‘ladilar. Mazkur turnir Namangan viloyati futbol Assosiasiyasi bilan birgalikda tashkil etiladi.
