Ўзбекистон тарихий сиймо ва қаҳрамонларга, улуғ аллома ва қомусий олимларга бой ўлка. Ўзбекистон футбол Ассоциацияси юртимиз ёшларини тарихий шахслар, аллома ва буюк сиймолар билан яқиндан таништиришна улар номи билан ўтказиладиган турли мусобақалар орқали амалга оширишга қарор қилди. 

Шундай мусобақалардан бири Самарқанд шаҳрида 2008 йилда таваллуд топган футболчилар ўртасида бўлиб ўтади. Самарқанд футбол Ассоциацияси билан ҳамкорликда илк маротаба ташкил этиладиган "Амир Темур" Кубоги мусобақаси баҳонасида тарихий Моварауннаҳр пойтахтига ташриф буюрадиган иштирокчилар  Амур Темур сиймоси ва Темурийлар авлодлари билан яқиндан танишадилар. 

2007 йилда таваллуд топган футболчилар эса "Олтин водий" дастури асосида Фарғонада "Ал Фарғоний" Кубогида чемпионлик учун баҳс олиб борадилар. Бу мусобақа Фарғона футбол Ассоциацияси билан ҳамкорликда ташкил қилинмоқда.

2006 йилда таваллуд топган футболчилар Амир Темур таваллуд топган Қашқадарё ўлкасида чемпионлик учун кураш олиб борадилар. "Воҳа Кубоги" деб ном олган мусобақа "Насаф" ва Қашқадарё футбол Ассоциацияси билан ҳамкорликда ўтказилади. 

Ўзбекистон миллий терма жамоаси сардори Одил Аҳмедов ҳар йили Наманганганда "Odil Cup" мусобақасини ўтказиб келар эди. Жорий йилги мусобақа ЎФА ва Россиянинг “Детская футбольная лига” (ДФЛ) ташкилотлари билан ҳамкорликда ташкил этилади. Мусобақа ғолиби ДФЛнинг энг катта лойиҳаларидан бири бўлган "Большие звезды светят малым" мусобақасида ихтиёрий иштирок этиш имкониятига эга бўладилар. Мазкур турнир Наманган вилояти футбол Ассоциацияси билан биргаликда ташкил этилади.