O‘zbekiston futbol assosiasiyasi O‘zbekistonda futbolni rivojlantirish, futbol sohasida faoliyat yurituvchi mutaxassislarning malakasini bosqichma-bosqich oshirib borish yo‘lida bir qator sa’y-harakatlarni amalga oshirmoqda.

Xususan, hakamlarning saviyasini, kasb mahoratini oshirish va futbol uchrashuvlarida sifatli hakamlikni ta’minlash, o‘yin davomida yo‘l qo‘yiladigan xatoliklarni bartaraf etish maqsadida, Dukentda Superligada ishtirok etayotgan bosh hakam va hakamlar yordamchilari uchun o‘quv-amaliy seminralari davom etmoqda.

Amaliy mashg‘ulotlar davomida hakamlarning nazariy bilimlarini amaliyotda sinab ko‘rish maqsadida, uchrashuvlar davomida maydonda yuzaga keladigan vaziyatlar bo‘yicha sinovlar o‘tkazildi. Sinovlar jarayonida hakamlarga maydonda uchraydigan baxsli holatlar namoyish etilib, ularning bu holatlarga tayyor yoki tayyor emasligi hamda vaziyat yuzasidan munosabatlari imtihondan o‘tkazildi.

Dukentda tashkil etilayotgan nazariy va amaliy mashg‘ulotlar 30 iyun kuniga qadar davom etadi.