Jahon chempionatining guruhi bosqichiga yakun yasaldi. "G" guruhida Belgiya terma jamoasi 1-o‘rinni egalladi.
Angliya va Belgiya terma jamoalari chorak finalda Braziliyaga tushmaslik uchun o‘z guruhlarida 2-o‘rinni egallash talab etilardi. Bu borada "ustunlik" belgiyaliklarda bo‘lib, ular raqibga nisbatan ko‘proq ogohlantirish olishgandi. Martines shogirdlari o‘yin boshida yana 2ta sariq kartochka olishdi va 2-o‘rin masalasini "mustahkamlab" olgandek bo‘lishdi.
Har ikkala jamoa asosan ikkinchi tarkib bilan o‘ynashdi, ular o‘yin davomida katta kuch sarflashmadi, ko‘p hujum tashkil qilishmadi. Faqatgina ikkinchi bo‘lim avvalida Adnan Yanuzay kuchli zarba bilan Angliya darvozasini ishg‘ol qilib qo‘ydi.
Inglizlar hisobni tenglashtirishlari mumkin edi, ammo Reshford yakkama-yakka vaziyatda Tibo Kurtuani dog‘da qoldira olmadi. O‘yin so‘ngida esa belgiyaliklar ikkita qulay imkoniyatdan foydalana olishmadi.
Shu tariqa, Belgiya terma jamoasi "G" guruhi g‘olibiga aylandi va ular nimchorak finalda Yaponiya bilan to‘qnash kelishadi. Angliyani esa Kolumbiya kutib turibdi.
Tunis terma jamoasi Panamaga qarshi o‘yinda ishonchli g‘alabani qo‘lga kiritdi va o‘z uyiga 3 ochko bilan qaytadigan bo‘ldi. Mundialda ilk marta ishtirok etgan panamaliklarga ochko ishlash nasib etmadi.
JCH-2018. "G" guruhi, 3-tur
Angliya – Belgiya 0:1 (0:0, 0:1)
Gol: 0:1 – 51 Yanuzay.
Angliya – Pikford, Djons, Stounz (Maguayr, 46), Keyxill, Dayer, Aleksander-Arnold (Uelbek, 79), Rouz, Loftus-CHik, Delf, Vardi, Reshford.
Belgiya – Kurtua, Dendonker, Boyata, Vermalen (Kompani, 74), Shadli, Tilemans, Dembele, Azar, Yanuzay (Mertens, 86), Fellayni, Batshuayi.
Ogohlantirishlar: Tilemans (19), Dendonker (33).
Panama – Tunis 1:2 (1:0, 0:2)
Gollar: 1:0 – 33, avtogol Merya, 1:1 – 51 Ben-YUssef, 1:2 – 66 Xazri.
Panama – Penedo, Machado, Torres (Texada, 56), Eskobar, OvalYE, Gomes, Rodriges, Godoy, Avila (Arroyo, 81), Barsenas, Torres (Kammingz, 46).
Tunis – Matluti, Naggez, Bedui, Merya, Xaddadi, Skiri, Ben-YUssef, Shalali, Sassi (Badri, 46), Sliti (Xalil, 77), Xazri (Srarfi, 89).
Ogohlantirishlar: Sassi (44), Badri (71), Avila (78), Gomes (80), Shalali (90), Texada (90).
| № | Jamoa | O‘yin | G‘alaba | Durang | Mag‘-t | T - N | Ochko |
|---|---|---|---|---|---|---|---|
| 1 | Belgiya | 3 | 3 | 0 | 0 | 9-2 | 9 |
| 2 | Angliya | 3 | 2 | 0 | 1 | 8-3 | 6 |
| 3 | Tunis | 3 | 1 | 0 | 2 | 5-8 | 3 |
| 4 | Panama | 3 | 0 | 0 | 3 | 2-11 | 0 |
