Rossiyaning top-klublari "Gannover-96" klubi himoyachisi, kelib chiqishi o‘zbekistonlik bo‘lgan futbolchiga xaridor bo‘lmoqdalar, deya xabar beradi Sputnik nashri Bild xabariga tayanib.
Ollmaliq shahrida tug‘ilgan nemis futbolchisiga SSKA, "Spartak", "Zenit" va "Lokomotiv" klublari davogarlik qilmoqdalar. Bu ma’lumotni 21 yoshli futbolchining agenti Rene Noyneker tasdiqladi.
Manbaga ko‘ra, rus klublari futbolchiga hozirgi maoshidan bir necha barobar ko‘prog‘ini taklif qilmoqdalar. Ammo futbolchi qaror chiqarishga shoshmayapti.
Valdemar o‘tgan mavsumda 29 o‘yinda bitta gol urgan. Uning nemis klubi bilan shartnomasi 2021 yilgacha tuzilgan.
