Poytaxtimizda sinxron suzish bo‘yicha jahon seriyasining so‘nggi, 10-bosqichi start olganligi haqida xabar bergandik.
“Sahovat sport servis” suzish havzasi mezbonlik qilgan musbaqada Bolgariya, Meksika, Germaniya, Slovakiya, Qozog‘iston va O‘zbekiston mamlakatlaridan sportchilar ishtirok etishdi.
E’tiborlisi, uch kun davom etgan musobaqa yakunlariga ko‘ra sportchilarimiz 7ta medal qo‘lga kiritishdi. 4ta oltin, 2ta kumush va 1ta bronza medali terma jamoamiz sportchilari uchun umumjamoa hisobida birinchi o‘rinni olishlari uchun yetarli bo‘ldi.
Ikkinchi va uchinchi o‘rinlar mos ravishda Meksika va Slovakiya terma jamoasi sportchilariga nasib qildi.
