Bugun poytaxtimizdagi «Bo‘zsuv» kanalida «Yoshlar kuni»ga bag‘ishlangan tadbir tashkil etildi. Ushbu ko‘rgazmali chiqishlarda Milliy olimpiya qo‘mitasi hamda "Rowing and Canoe" federasiyasi, murabbiylar va ommaviy axborot vositalari xodimlari ishtirok etishdi.
Niyozxo‘ja Teshaboyev, parakanoe bo‘yicha O‘zbekiston terma jamoasi murabbiyi: «Bugun o‘tkazilgan tadbirda sportchilar o‘z ko‘nikma va mahoratlarini namoyish etishdi. Bizning sport turimizda yigitlar o‘z imkoniyatlarini namoyish etish uchun suv kerak bo‘ladi. Bunday tadbirlar nafaqat Toshkentda, endi boshqa viloyatlarda ham tashkil qilinadi. Ko‘rgazmali chiqishlar yoshlar orasida ushbu sportni ommalashtirish uchun ajoyib imkoniyat hisoblanadi. Bu borada biz Milliy olimpiya qo‘mitasi bilan ish olib boryapmiz. Bugun tomoshabinlar baydarka va kanoe hamda slalomda eshkak eshish bo‘yicha chiqishlarni tomosha qildilar. Musobaqalar sabab akademik eshkak eshish bo‘yicha qayiqlarimizni olib kelishga ulgurmadik. Ammo, shunda ham tadbirimiz ajoyib o‘tdi».
Denis Anufriyev, 2017 yilgi Osiyo chempioni, ko‘plab xalqaro musobaqalar g‘olibi: «Sportning ushbu turi bilan 7 yildan buyon shug‘ullanaman.Ayni paytda Bolgariyada bo‘lib o‘tadigan 18 yoshgacha bo‘lgan sportchilar o‘rtasidagi jahon chempionatiga tayyorgarlik ko‘ryapmiz. Bugungi tadbir haqida gapiradigan bo‘lsak, unda biz turli ko‘rgazmali chiqishlarni namoyish etdik. Umid qilamanki, sportning ushbu ajoyib turi kelajakda yanada ommalashadi, bunday sport tadbirlari esa yangi nomlarni kashf etishda muhim rol o‘ynaydi».
f
