Angliya terma jamoasi bosh murabbiyi yarimhimoyachi Fabian Delfning uyiga qaytib ketganini ma’lum qildi.

"ManSiti"ning 28 yoshli futbolchisi Belgiyaga qarshi o‘yindan so‘ng (0:1) farzand kutayotgan ayoliga yordam berish uchun Angliyaga uchib ketdi. Oila uchinchi farzandini kutmoqda.

"Farzand tug‘ilishi - o‘ziga xos kun. Futboldan ham muhimroq ishlar bor, ulardan biri - oila. O‘ylashimcha, u xotinining yonida bo‘lishi kerak.

U qaytishi mumkin, hammasi tug‘uruqqa bog‘liq. Kerakli ishlarni to‘g‘ri tanlay bilish kerak", - deydi Sautgeyt.

Delf Jahon chempionatida Panama bilan o‘yinda 28-daqiqa (6:1), Belgiya bilan o‘yinda (0:1) 90 daqiqa harakat qildi. Bugun Angliya JCH 1)8 finali doirasida Kolumbiyaga qarshi o‘ynaydi.