Xalqaro Futbol federasiyasi – FIFA JCH-2018 finaliga Tailand g‘orlaridan birida to‘silib qolgan yosh futbolchilar va ularning murabbiylarini taklif etdi. Bu haqda FIFA rahbari Janni Infantinoning ularga yo‘llagan maktubida yozilgan, deb xabar qilmoqda TASS agentligi.
Maktub Tayland futbol assosiasiyasi tomonidan e’lon qilingan.
«Agar, barchamiz umid qilganimizdek, ular yaqin kunlarda o‘z oilalari bilan birlashsa va ularning salomatligi sayohat qilishga imkon bersa, FIFA ularni JCH-2018 finaliga bizning mehmonimiz sifatida Moskvaga taklif qilishdan xursand bo‘ladi», — deb qo‘shimcha qilgan Infantino.
Tashkilotga ko‘ra, ular 23 iyundan beri qutqaruv operasiyasini kuzatib bormoqda.
Futbol bo‘yicha jahon chempionati finali 15 iyul kuni Moskvaning «Lujniki» stadionida bo‘lib o‘tadi.
