Jahon chempionati tufayli Yevropa futbol mavsumi yakunlarini ko‘rib chiqish ikkinchi masalaga aylandi o‘z-o‘zidan. Lekin mavzular xilma-xilligini ta’minlash uchun sarhisob ishlariga ham sahifa ajratish kerak, baribir.
Qolaversa, yevromavsum yakuni ko‘pchilikni yetarlicha qiziqtiradi, albatta. Shularni unutmagan holda, bu safargi fotojamlanma-maqolani o‘tgan mavsumning eng omadli va omadsiz transferlariga bag‘ishladik.
MAVSUM-2017|2018: ENG OMADLI 6ta TRANSFER
Xarajatni to‘la oqlagan darvozabon: EDERSON (Braziliya)
Oldingi klubi: «Benfika» (Portugaliya)
Yangi klubi: «Manchester Siti» (Angliya)
Transfer narxi: 40 mln. yevro
Natija. O‘tgan yozning eng qimmatbaho darvozaboni «Siti»da birinchi raqamli kiperga aylanib, klubining APLda «oltin» yutishiga katta hissa qo‘shdi.
Minimal sarfga maksimal gol: Kristian STUANI (Urugvay)
Oldingi klubi: «Midlsbro» (Angliya)
Yangi klubi: «Jirona» (Ispaniya)
Transfer narxi: 2,5 mln. yevro
Natija. Urugvaylik hujumchi Primerodagi ilk urinishida 21ta gol urdi (33ta o‘yinda) va faqat Yago Aspas (22ta), Luis Suares (25ta), Krishtianu Ronaldu (26ta) hamda Lionel Messi (34ta)dan ortda qoldi, xolos. Qarang, 2,5 million yevro evaziga shuncha gol! Taqqoslash uchun aytsak, Alvaro Morataning APLdagi 1ta goli «Chelsi» uchun 6 mln. yevroga tushdi.
Italiyada porlagan o‘smir: Jengiz UNDER (Turkiya)
Oldingi klubi: «Bashakshehir» (Turkiya)
Yangi klubi: «Roma» (Italiya)
Transfer narxi: 13,4 mln. yevro
Natija. 20 yoshli vinger «Roma» uchun «Yangi Saloh» bo‘ldi. Transfer bahosi esa 50 million yevroga ko‘tarildi. Ana, foyda, ana, manfaat.
Germaniyada porlagan o‘smir: Jan-Kevin OGYUSTEN (Fransiya)
Oldingi klubi: «PSJ» (Fransiya)
Yangi klubi: «RB Leypsig» (Germaniya)
Transfer narxi: 13 mln. yevro
Natija. Jan-Kevin atigi 20 yoshda. Reaktiv hujumchi «RB Leypsig»dagi debyutini 9ta gol bilan bezab, transfer summasini ikki hissa oshirdi.
Chempionshipdan CHL finaliga: Endryu ROBERTSON (SHotlandiya)
Oldingi klubi: «Xall Siti» (Angliya)
Yangi klubi: «Liverpul» (Angliya)
Transfer narxi: 9 mln. yevro
Natija. Atigi 9 millionga xarid qilingan yigit atigi 9 oydan keyin jamoaning asosiy himoyachilari qatorida CHL finalida o‘ynadi. Ajoyib yuksalish.
APLga «o‘t» qo‘ygan «fir’avn»: Muhammad SALOH (Misr)
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
