14ta turdan so‘ng Pepsi Superliga o‘yinlarini boshqargan 14 nafar hakam nomini bilib oldik. Ular orasida jahon rekordchisi Ravshan Ermatov ham, hakamlik maktabimiz umidi Akobirxo‘ja Shukurullayev ham bor.
Jami 84ta o‘yinda hakamlarning bevosita ishtiroki bilan 6 marta ikkinchi sariq kartochka orqali «qizil», 7ta to‘g‘ridan-to‘g‘ri chetlatish, 25ta penalti yuz berdi.
Bu boradagi «to‘liq komplekt» faqat Vladislav Seytlinda uchraydi - 8 o‘yin, 18ta «sariq», 1ta ikkinchi sariq kartochka orqali «qizil», 1ta to‘g‘ridan-to‘g‘ri chetlatish, 5ta penalti.
5 KISHILIK GURUH
11 may sanasida Superliga 11-turining markaziy o‘yinida mamlakatimizning ikki grand jamoalari - «Nasaf» hamda «Paxtakor» o‘zaro bahs olib bordi. Mazkur uchrashuvda Superliga tarixida ilk marta 5 nafar hakamdan iborat guruh ish olib bordi.
Uchrashuv bosh hakami - Ravshan Ermatov bo‘lsa, unga qanotlarda Abduhamidullo Rasulov hamda Jahongir Saidov yordam berishadi. Darvoza chizig‘ida esa Valentin Kovalenko hamda Ahrol Risqullayev ishlashdi. Zaxira hakami vazifasini A. Najafaliyev bajardi.
Eslatib o‘tamiz, 2017 yilgi O‘zbekiston chempionati birinchi ligasi 3-turidan o‘rin olgan «NBU-Osiyo» - «Zomin» jamoalari o‘rtasidagi o‘yinda o‘zbek futboli tarixida ilk bora darvoza chizig‘idagi hakamlar sinovdan o‘tkazilgandi.
HAKAMLARNING CHETLATILISHI
7 aprel. Pepsi Superliga 5-turidan o‘rin olgan «Lokomotiv» - «Qo‘qon-1912» uchrashuvida bosh hakam Valentin Kovalenkoga yordam bergan Akbar Quvvatov qo‘pol xatoga yo‘l qo‘ygani uchun jazolanishi haqida ma’lumotlar berilgandi.
Mazkur o‘yindan keyin O‘FA Hakamlar qo‘mitasi uchrashuvni boshqarib borgan Valentin Kovalenkoning ham xatti-harakatlarini o‘rganib chiqdi.
Xulosaga ko‘ra, o‘sha uchrashuv bosh hakami o‘yinga yaxshi tayyorgarlik ko‘rmagani, natijada bir qator vaziyatlarda, jumladan, 17-daqiqada «Lokomotiv» a’zosi Marat Bikmayev gol urgan vaziyatda o‘yindan tashqari holatni aniqlashda va ikkinchi bo‘limda «Lokomotiv» darvozasiga penalti belgilashda xatoga yo‘l qo‘ygani qayd etildi.
Valentin Kovalenko ham ma’lum muddat Superliga o‘yinlariga qo‘yilmasligi qayd qilindi. Kovalenko shu bilan bosh hakam sifatida 22 may sanasida 12-tur doirasidagi «Qo‘qon-1912» - «Buxoro» bahsida (1:2) Superliga bahslariga qaytdi.
27 may. Superliga 13-turi doirasidagi «Qo‘qon-1912» - «Qizilqum» uchrashuvida bosh hakam vazifasini bajargan Akobirxo‘ja Shukurullayev o‘yin jarayonida ketma-ket xatoliklarga yo‘l qo‘ygani uchun jazolandi. Hakamlar va nazoratchilar faoliyatiga mas’ul boshqarma o‘yindagi xatolarni o‘rganib chiqdi va bosh hakam A.SHukurullayevni Superliga o‘yinlaridan chetlatishga qaror qildi.
A.SHukurullayevga hakamlik tajribasini orttirish, Superliga saviyasiga to‘liq yetgunga qadar Pro-ligada ishlab turishi lozimligi belgilandi. Ma’lumot o‘rnida aytish kerakki, u 4, 9, 13-turlar doirasida ishlagan bo‘lsa, har o‘yinda bir nafardan futbolchini maydonda chetlatgan.
|
T|r |
Hakam |
O‘yin |
«sariq» |
2-«sariq» |
«qizil» |
Pen. |
|
1 |
Ravshan Ermatov |
10 |
42 |
1 |
|
4 |
|
2 |
Sherzod Qosimov |
8 |
32 |
|
|
1 |
|
3 |
Viktor Serazetdinov |
8 |
28 |
|
|
|
|
4 |
Vladislav Seytlin |
8 |
18 |
1 |
1 |
5 |
|
5 |
Aziz Asimov |
7 |
22 |
|
1 |
1 |
|
6 |
Zokir Qodirov |
7 |
31 |
|
1 |
2 |
|
7 |
Ahrol Risqullayev |
6 |
25 |
|
|
2 |
|
8 |
Hasan Ro‘ziyev |
6 |
32 |
|
|
3 |
|
9 |
Ilgiz Tantashev |
5 |
23 |
2 |
|
1 |
|
10 |
Timur To‘xtasinov |
5 |
27 |
|
|
2 |
|
11 |
Valentin Kovalenko |
4 |
10 |
1 |
1 |
|
|
12 |
Olim To‘ychiboyev |
4 |
9 |
|
|
1 |
|
13 |
Vadim Agishev |
3 |
14 |
1 |
|
2 |
|
14 |
Akobirxo‘ja Shukurullayev |
3 |
16 |
|
3 |
1 |
ERMATOVNING IZDOSHI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
