“Nasaf” – “Navbahor” (1:1) uchrashuvining eng yaxshi o‘yinchisi bo‘lgan Sharof Muhitdinov ham bo‘lib o‘tgan o‘yin haqidagi fikrlari bilan o‘rtoqlashdi.

-Bugungi uchrashuvda jamoadoshlarim bor kuchini berib o‘ynashdi. Bizning bugungi uchrashuvga tuzgan rejamiz g‘alaba qozonish edi, afsuski bunga erisha olmadik. Albatta bunday qiyin o‘yinlarda gol urish faxrli. Ammo golni kim urishini unchalik ahamiyati yo‘q. Chunki futbol jamoaviy o‘yin. Bu butun jamoa mehnatining mahsuli deb, bilaman. Biz o‘z oldimizga doimo mazmunli o‘yin namoyish etib, ijobiy natijalarimiz bilan muxlislarimizni xursand qilishni maqsad qilib qo‘yamiz. Jamoadoshlarim shu maqsadda intilishmoqda. So‘zimni oxirida muxlislarimizga kichik murojaat qilmoqchiman. Sizlarning daldangiz bizga katta kuch beradi. Har qanday sharoitda ham bizga dalda bo‘layotgan sodiq muxlislarimizga o‘zim nomimdan va jamoadoshlarim nomidan tashakkurlar bildirib qolaman, - deydi bugungi uchrashuvning eng yaxshi o‘yinchisi Sharof Muhitdinov.