«Yuventus» klubi bosh direktori Juzeppe Marotta Krishtianu Ronalduning «Real»dan Turin klubiga o‘tishi yuzasidan muzokaralar qanday kechgani haqida qisqacha gapirib berdi. Bu haqda Corriere della sera`ga asoslanib, «Chempionat» xabar bermoqda.
«Transfer muvaffaqiyatli yakunlanganidan juda xursandman. Aynan Krishtianuning o‘zi birinchi bo‘lib bu transfer amalga oshishiga ishondi va harakatga kirishdi. U «Yuventus»ni tanlagach, xarid haqiqatga yaqin ekani ma’lum bo‘ldi va klub aksionerlari ham bunga rozilik bildirishdi.
Maqsad yo‘lida bir jamoa bo‘lib ish olib bordik. Hammasi Ronaldu bilan aynan bir agentni yollagan Joau Kanselu transferi bo‘yicha muzokaralarga kirishishimizdan boshlandi», - dedi Marotta.
Eslatib o‘tamiz, «Yuventus» 27 iyun kuni «Valensiya»dan 24 yoshli himoyachi Joau Kanseluni xarid qilganini e’lon qilgandi. 2023 yilgacha amalda bo‘ladigan shartnoma turinliklarga 40 million yevroga tushgan.
