“Sevilya” klubi himoyachisi Kleman Langle rasman “Barselona” futbolchisiga aylandi. Bu haqda klub ijtimoiy tarmoqlardagi sahifasida xabar berdi.
Kataloniyaliklar fransiyalik 23 yoshli futbolchi uchun “Sevilya”ga uning tovon puli – 35,9 million yevro to‘lagan. Langle 2023 yil 30 iyun kuniga qadar shartnoma imzoladi va tovon puli – 300 mln yevro etib belgilandi.
Ma’lumot uchun, futbolchi o‘tgan mavsum “Sevilya”da 35 marta maydonga tushib, 3 ta gol va 1 ta golli uzatma muallifiga aylangan.
Avvalroq, “Barselona” Braziliyaning “Gremio” klubidan yarim himoyachi Artur Ramosni transfer qilgani haqida xabar bergan edik.
