“Севилья” клуби ҳимоячиси Клеман Лангле расман “Барселона” футболчисига айланди. Бу ҳақда клуб ижтимоий тармоқлардаги саҳифасида хабар берди.

Каталонияликлар франциялик 23 ёшли футболчи учун “Севилья”га унинг товон пули – 35,9 миллион евро тўлаган. Лангле 2023 йил 30 июнь кунига қадар шартнома имзолади ва товон пули – 300 млн евро этиб белгиланди.

Маълумот учун, футболчи ўтган мавсум “Севилья”да 35 марта майдонга тушиб, 3 та гол ва 1 та голли узатма муаллифига айланган.

Аввалроқ, “Барселона” Бразилиянинг “Гремио” клубидан ярим ҳимоячи Артур Рамосни трансфер қилгани ҳақида хабар берган эдик.