Londonning “Chelsi” klubi bosh murabbiyi Antonio Konte bugun egallab turgan lavozimidan ozod etildi. Bu haqda Yevropa OAVlari xabar bermoqda. 

48 yoshli Konte “Chelsi”dan shartnomani muddatidan avval bekor qilgani uchun 9,5 million funt qo‘lga oladi. 

Ma’lumot o‘rnida, Konte “Chelsi”da 2016 yildan beri ishlab kelardi. Italiya terma jamoasi sobiq murabbiyi Angliyadagi ilk mavsumida “ko‘klar”ni premyer-liga chempioniga aylantirgandi. 

Ortda qolgan mavsum “Chelsi” 70 ochko bilan APL turnir jadvalida 5-o‘rinni egalladi va Chempionlar ligasida ishtirok etishdan mahrum bo‘ldi. 

Taxminlarga ko‘ra, londonliklarning yangi murabbiyi italiyalik Maurisio Sarri bo‘ladi.