Superliganing 14-turidan o‘rin olgan AGMK – “Paxtakor” uchrashuvidan so‘ng mezbonlar bosh murabbiyi Shota Arveladze va himoyachi Akmal Shorahmedov matbuot anjumanida o‘yin haqida fikrlarini bildirdi.
Arveladze: - Issiq havoda baribir qiyinchilikka duch keldik. Raqib himoyada o‘ynadi va tez harakat qilishga yo‘l qo‘ymadi. Ajoyib maydon uchun mezbonlarga minnatdorchilik bildiraman. Bizda vaziyatlar ko‘p bo‘ldi, ammo ulardan foydalanishda muammoga duch keldik. Ular maydonda kam bo‘lib qolishgach, yanada ko‘proq imkoniyatlar sodir etdik.
Mezbonlar futbolchisiga ikkinchi sariq kartochka berilgan vaziyatda u "Paxtakor" o‘yinchisidan to‘pni o‘ziga o‘tkazib yuborishni so‘radi. Bu esa futboldagi halol o‘yin qoidalariga zid. Shu sababli hakam o‘sha holatda futbolchini ogohlantirdi. Bu qoidalarda belgilab qo‘yilgan.
Bizda o‘yindagi turli jihatlar bo‘yicha statistika tahlil etiladi. To‘p oshirishlar, bosib o‘tilgan masofa, qisqa va uzun masofaga yugurish, tezlik va boshqa jihatlar. Mutaxassislar o‘z ishlarini yaxshi bilishadi. Bizda maxsus ilova ham mavjud. Unga futbolchilar ko‘rsatkichlari tushirib boriladi. Futbolchilar o‘z holati haqida ma’lumot olib borishadi
Shorahmedov: - Kimdir AGMKni kuchsiz jamoa deb hisoblasa, katta xato qiladi. Bu jamoa juda yaxshi futbolchilarga ega va o‘z ochkolarini jamg‘aradi. Ular yuqoriroq o‘rinlarga ko‘tarilish imkoniyatiga egalar. AGMK istalgan jamoaga katta muammo yaratadi.
