Superliganing 14-tur doirasidagi «Lokomotiv» hamda «Navbahor» o‘rtasidagi uchrashuv o‘z poyoniga yetdi.

Bahsning boshlanishi mehmonlar ustunligi ostida bo‘ldi va deyarli 10 daqiqa davomida o‘yinni nazorat qilishdi. Ammo vaqt o‘tgani sari mezbonlar o‘yinni sekin-asta o‘z tomoniga og‘dirishdi va 11-daqiqada Shuhrat Muhammadiyevning ajoyib pasini Marat Bikmayev gol bilan yakunladi.

28-daqiqada esa Davron hoshimov qizil kartochka olib maydonni tark etdi va namanganliklar bir kishi kam bo‘lib qolishdi.

Taym yakunlanishi arafasida esa Sardor Rashidov darvozabon bilan birga-bir vaziyatga chiqib bordi va chiroyli ijro bilan hisobni ishonchli ko‘rinishga keltirdi.

Ikkinchi bo‘limda iroda namoyish qilgan mehmonlar hisobni qisqartirishdi. Aniqrog‘i, 49-daqiqada «lochinlar»ning hujumi Kaxi Maxaradzening avtogoli bilan yakunlandi.

O‘yin yakuniga yaqinlashgan sari asosiy e’tiborni hujumga qaratgan «Navbahor» oxirgi soniyalarda o‘z darvozasidan yana bir gol o‘tkazib yubordi. Bu vaziyatda qarshi hujumga qochib ketgan «Loko» futbolchilarining goliga Temurxo‘ja Abduxoliqov mualliflik qildi.

PEPSI SUPERLIGA. 14-TUR

LOKOMOTIV — NAVBAHOR — 3:1 (2:0)

Gollar: Marat Bikmayev (11), Sardor Rashidov (43), Temurxo‘ja Abduxoliqov (90+3) - Kaxi Maxaradze (49-avtogol).

Lokomotiv: Ignatiy Nesterov, Kaxi Maxaradze, Sadriddin Abdullayev (Sanjar Shoahmedov, 83), Ikrom Aliboyev, Marat Bikmayev (Temurxo‘ja Abduxoliqov, 67), Sardor Mirzayev, Islom To‘xtaxo‘jayev, Sardor Rashidov (Xusniddin G‘ofurov, 63), Shuhrat Muhammadiyev, Oleg Zoteev, Igor Yelich.

Navbahor: Akbar To‘rayev, Igor Golban, Sherzodbek Karimov (Darko Nikach, 74), Ayubxon No‘’monov, Dilshod Jabborov (Oston O‘runov, 46), Azizbek Turg‘unboyev, Azamat Allaniyozov (Sardor Sulaymonov, 46), Mirzohid G‘ofurov, A’zamjon Aliyev, Davronbek Hoshimov, Jahongir Mehmonov.

Ogohlantirish: Davron Hoshimov (4).

Chetlatish: Davron Hoshimov 28.

Amalga oshirilmagan penalti: Sardor Rashidov 37 (darvozabon).