“Qizilqum”- “Paxtakor” (1:2) uchrashuvidan keyin matbuot anjumanining ikkinchi qismida mezbonlar bosh murabbiyi Hamidjon Aktamov o‘yin haqidagi fikrlari bilan o‘rtoqlashdi.
“Paxtakor”ga qarshi munosib o‘yin ko‘rsata oldik. Hisobni ochishmizga qadar ham gol urish uchun bir qator imkoniyatlarga ega bo‘ldik. Ammo raqib posboni yaxshi harakat qilib, bunga imkon bermadi. Keyinchalik Ivan Nagayevni golidan keyin g‘alabaga yaqin turgandik. Ammo Nagayev va Mustafoyevning kutilmagan jarohatidan keyin ularning o‘rniga zaxiradan futbolchi tushirishga majbur bo‘ldik. Afsuski, zaxiradan maydonga tushganlar ishonchni oqlashmadi. Futbol 90 daqiqa emas, hakamning hushtagi chalinguniga qadar o‘ynalishi kerakligi bugun yana bir bor o‘z isbotini topdi. O‘yingacha hammasini to‘g‘ri bajardik, deb o‘ylayman. Buyog‘i futbolchilarning vijdoniga havola. Bugun g‘alabaga yaqin turgandik. Ammo o‘yin oxirida g‘alabani mag‘lubiyatga almashtirdik”, - deydi Aktamov.
