“Қизилқум”- “Пахтакор” (1:2) учрашувидан кейин матбуот анжуманининг иккинчи қисмида мезбонлар бош мураббийи Ҳамиджон Актамов ўйин ҳақидаги фикрлари билан ўртоқлашди.

“Пахтакор”га қарши муносиб ўйин кўрсата олдик. Ҳисобни очишмизга қадар ҳам гол уриш учун бир қатор имкониятларга эга бўлдик. Аммо рақиб посбони яхши ҳаракат қилиб, бунга имкон бермади. Кейинчалик Иван Нагаевни голидан кейин ғалабага яқин тургандик. Аммо Нагаев ва Мустафоевнинг кутилмаган жароҳатидан кейин уларнинг ўрнига захирадан футболчи туширишга мажбур бўлдик. Афсуски, захирадан майдонга тушганлар ишончни оқлашмади. Футбол 90 дақиқа эмас, ҳакамнинг ҳуштаги чалингунига қадар ўйналиши кераклиги бугун яна бир бор ўз исботини топди. Ўйингача ҳаммасини тўғри бажардик, деб ўйлайман. Буёғи футболчиларнинг виждонига ҳавола. Бугун ғалабага яқин тургандик. Аммо ўйин охирида ғалабани мағлубиятга алмаштирдик”, - дейди Актамов.