Xorvatiya terma jamoasi jahon chempionatidan kelgan barcha pullarni bolalarga yordam ko‘rsatuvchi jamg‘armaga xayriya qiladi. Bu haqda terma jaoma bosh murabbiyi Zlatko Dalich ijtimoiy tarmoqdagi sahifasida ma’lum qildi.

Murabbiyning ta’kidlashicha, bu jamg‘arma Adriatika dengizini hech ham ko‘rmagan bolalar dam olib kelishini moliyashtiradi.

“Terma jamoa a’zolari xorvat xalqi bilan birga. Biz odamlarga yordam berish uchun qo‘limizdan kelgan barchasini qilamiz. Barcha xorvat bolalarida kamida yetti kun Xorvatiya sohillarida dam olish imkoni bo‘ladi. Hech bo‘lmaganda, yordam juda ham kerak bo‘lgan odamlarga biz bu imkoniyatni bermaiz”, degan mrabbiy Zlatko Dalich.

Ma’lumot o‘rnida, JCH ishtirokchilari qaysi bosqichga yetib borganiga qarab FIFAdan mukofot puli oladi. Chempionat g‘olibi 38 million dollar, kumush medal sohibi 28 million dollar, uchinchi o‘rin sohibi 24 million dollar, to‘rtinchi o‘rin 22 million dollarga ega bo‘ladi. Qolgan jamoalar ham mukofotlanadi.