ROSSIYA CHEMPIONATI UCHUN YOQIMSIZ RAQAMLAR
«SE» nashri ma’lumotlariga ko‘ra, Rossiya Premyer-ligasining har bir ishtirokchisiga teletranslyasiyalar sotuvidan chamasi 1,8 million yevro tegadi.
«Lokomotiv» esa mamlakat chempioni sifatida yana taxminan 5 million yevro mukofot puli oladi. Har holda, liga rahbari Sergey Pryadkinning aytishicha, turnir g‘olibiga 368 mln. rubl ajratilgandi.
Bundan tashqari, chiptalar sotuvi tushumi ham bor. «Temiryo‘lchilar» klubining Marketing va kommunikasiyalar bo‘limi direktori Aleksey Smertinning ma’lum qilishicha, klub chempionlik mavsumida chiptalar savdosidan 320 million rubl (chamasi 4,3 mln. yevro) topgan.
700 ming yevro - bu «Lokomotiv» g‘aznasiga transferlardan tushgan mablag‘ summasi (moskvaliklar Xentini Vengriya klubiga 500 ming va Ndingani «Sivasspor»ga 200 ming yevroga sotishgan).
Demak, Rossiya Premyer-liga-2017|2018 g‘olibining butun mavsum davomidagi jami daromadi taxminan 12 million yevroni tashkil qilgan.
Rossiya chempionatiga daxldor moliyaviy hisobotni dunyo futbolining eng kuchli birinchiligi - APL raqamlari bilan solishtirish mantiqqa ham sig‘maydi. Deylik, Angliya chempionatida so‘nggi pog‘onani band etgan «Vest Bromvich» birgina telehuquqlar sotuvidan chamasi 14 million yevro oladi.
Boshqacha aytsak, APLning eng zaif jamoasi ham bitta yo‘lanishda Rossiya chempionining butun mavsumdagi daromadidan ko‘proq topadi. Ya’ni «Lokomotiv»ning transferlar va chiptalar sotuvi yo‘nalishidagi ulushini qo‘shib hisoblasak ham (vaholanki, bularning mukofot jamg‘armasiga hech qanday daxli yo‘q), jami summa APL autsayderiga telehuquqlar uchun beriladigan mablag‘ miqdoriga yetmaydi.
Rossiya chempioni va APLning o‘sha eng zaif ishtirokchisining mavsum bo‘yi topgan pulini esa o‘zaro taqqoslashning o‘zi kulguli. Qarang...
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
