"Metallurg"-“Bunyodkor” uchrashuvidan sshng mezbonlar bosh murabbiyi Andrey Shipilov matbuot anjumanida qatnashdi.

“Ajoyib, qiziqarli o‘yin bo‘ldi. Juda ko‘plab xavfli vaziyatlar yaratildi. Bugungi uchrashuvni imkoniyatlar ko‘kka sovurilgan o‘yin deb ta’riflash mumkin. O‘ttizinchi daqiqagacha maydonda biz yaqqol ustunlik qildik. Ammo futbol shunday narsaki, u xatolarni kechirmaydi. Jarima maydonimiz yonida bitta xatoga yo‘l qo‘ydik, "Bunyodkor" bizni masterlarga xos tarzda jazoladi. Ikkinchi bo‘limda bosimni oshirish evaziga hisobni tenglashtirib oldik. Ammo undan kattasiga kuchimiz yetmadi. Bunyodkorchilarga keyingi uchrashuvlarda omad tilayman. "Metallurg"ning ham kelgusi uchrashuvlarda ochko jamg‘arishi tarafdoriman. Keyingi bosqichlarda ham qaldirg‘ochlar bilan raqobatni davom ettirishni juda xoxlaymiz”, -  deydi Andrey Sergeevich.