"Металлург"-“Бунёдкор” учрашувидан сщнг мезбонлар бош мураббийи Андрей Шипилов матбуот анжуманида қатнашди.

“Ажойиб, қизиқарли ўйин бўлди. Жуда кўплаб хавфли вазиятлар яратилди. Бугунги учрашувни имкониятлар кўкка совурилган ўйин деб таърифлаш мумкин. Ўттизинчи дақиқагача майдонда биз яққол устунлик қилдик. Аммо футбол шундай нарсаки, у хатоларни кечирмайди. Жарима майдонимиз ёнида битта хатога йўл қўйдик, "Бунёдкор" бизни мастерларга хос тарзда жазолади. Иккинчи бўлимда босимни ошириш эвазига ҳисобни тенглаштириб олдик. Аммо ундан каттасига кучимиз етмади. Бунёдкорчиларга кейинги учрашувларда омад тилайман. "Металлург"нинг ҳам келгуси учрашувларда очко жамғариши тарафдориман. Кейинги босқичларда ҳам қалдирғочлар билан рақобатни давом эттиришни жуда хохлаймиз”, -  дейди Андрей Сергеевич.