"Metallurg" - "Bunyodkor" uchrashuvidan so‘ng "qaldirg‘ochlar" ustozi Mirjalol Qosimov o‘yin xususida quyidagicha fikr bildirdi:
- O‘yin ancha shiddatli tarzda kechdi. Jamoam qayd etgan natijadan qoniqish xosil qildim. Yigitlarning oxirigacha qadar kurashishganidan xursandman. Durang natijalar ham bo‘lib turadi.
Aynan mana shunday bugungiga o‘xshash o‘yinlar orqali aslida haqiqiy futbolchi toblanib boradi.
Jamoamizga Azizbek Haydarovning ham kelib qo‘shilgani ancha bizga foyda beradi, deb o‘ylayman. Zero uning tajribasi va mahoratini ko‘rib, qolgan yoshlar ham unga o‘xshashga intilishadi, - dedi tajribali mutaxassis.
