Kecha, 19 iyul kuni Olma-ota shahrida qozog‘istonlik figurali uchuvchi Denis Ten pichoqlanish natijasida vafot etgan. Bu haqda “KazInform” xabar bermoqda.
Sportchi shifoxonga olib borilgan. Biroq juda ham ko‘p qon yo‘qotgani sabab uni hayotda saqlab qolishning imkoni bo‘lmagan.
Ma’lumotga ko‘ra, ikki o‘g‘ri uning avtomobili ko‘zgusini o‘g‘irlamoqchi ekanini sportchi ko‘rib qolib, ularga qarshilik ko‘rsatgan. Oqibatda o‘g‘rilar sportchiga pichoq bilan zarba bergan.
Jinoyatchilar voqea joyidan yashiringan. Hozirda shahar Ichki ishlar departamenti xodimlari ularni qidirmoqda.
25 yoshli Denis Ten 2014 yil Sochida o‘tgan qishki Olimpiya o‘yinlarida figurali uchish bo‘yicha bronza medali sohibi bo‘lgan. Bundan tashqari, figurali uchish bo‘yicha 2013 va 2015 yillardagi jahon chempionatlarining bronza va kumush medali sovrindori.