Ilhom Xanjariyev shogirdlari dastlabki turda Qozog‘iston U-17 terma jamoasi bilan 1:1 hisobida durang qayd etgan bo‘lsa, keyin Tojikiston U-16 terma jamoasini 3:0 hisobida taslim etishdi.
Ertaga vakillarimiz musobaqa doirasidagi so‘nggi o‘yinni mezbon jamoa Qirg‘istonga qarshi o‘tkazishadi. Uchrashuv Toshkent vaqti bilan soat 17:00da boshlanadi.
Ertangi bahs oldidan bugun futbolchi qizlarimiz mashg‘ulot olib borishdi. Bugungi mashg‘uot jarayonida murabbiylar shtabi asosiy e’tiborni hujum tashkil etishga qaratishdi.
“Ertaga bizni qiyin o‘yin kutib turibdi. Har qanday musobaqada mezbonlarga qarshi o‘ynash oson kechmaydi. Ammo biz yaxshi tayyorgarlik olib bordik. Bor e’tiborimiz faqat g‘alabaga qaratilgan. Mashg‘ulotlarda asosan vaziyatlardan unumli foydalanish bo‘yicha ish olib bordik. Avvalgi o‘yinlarda aynan mana shu jihat bizda yuqori darajada bo‘lmadi. Qirg‘izistonga qarshi o‘yinga to‘liq tayyormiz, jamoaning kayfiyati ancha yuqori ”, - dedi terma jamoa bosh murabbiyi Ilhom Xanjariyev.
