Janubiy Koreyaning Jeju shahrida taekvondo bo‘yicha «Korea Open» reyting musobaqasi bo‘lib o‘tmoqda. Musobaqada o‘zbekistonlik sportchilar ham o‘zlarining muvaffaqiyatli yurishlarini davom ettirishmoqda.
Bugun, ayollar o‘rtasida o‘tkazilgan bahslarda -53 kg vazn toifasida yurtimiz sharafini himoya qilgan Dinoraxon Mamadibragimova dayanga chiqdi va bronza medali sohibasiga aylandi.
Bu terma jamoamiz uchun mazkur reyting turniridagi beshinchi medal hisoblanadi. Bungacha Amirbek To‘rayev (bronza), Madina Mannopova (bronza), Jahongir Xudoyberdiyev (kumush) va Ulug‘bek Rashitov (oltin) medal sohibiga aylangan edilar.
Eslatib o‘tamiz, musobaqada 55 mamlakatdan 1400 nafar sportchi ishtirok etmoqda.
