Жанубий Кореянинг Жежу шаҳрида таэквондо бўйича «Korea Open» рейтинг мусобақаси бўлиб ўтмоқда. Мусобақада ўзбекистонлик спортчилар ҳам ўзларининг муваффақиятли юришларини давом эттиришмоқда.
Бугун, аёллар ўртасида ўтказилган баҳсларда -53 кг вазн тоифасида юртимиз шарафини ҳимоя қилган Динорахон Мамадибрагимова даянга чиқди ва бронза медали соҳибасига айланди.
Бу терма жамоамиз учун мазкур рейтинг турниридаги бешинчи медаль ҳисобланади. Бунгача Амирбек Тўраев (бронза), Мадина Маннопова (бронза), Жаҳонгир Худойбердиев (кумуш) ва Улуғбек Рашитов (олтин) медаль соҳибига айланган эдилар.
Эслатиб ўтамиз, мусобақада 55 мамлакатдан 1400 нафар спортчи иштирок этмоқда.
